Милан веќе ја планира следната сезона, почнувајќи од тренерот кој ќе го замени Серхио Консеисао. Според „Газета дело Спорт“, избран е Масимилијано Алегри.
„Милан повторно со Макс. Предупредување, ова не е предлог или сензационална вест, туку вистински проект на кој работи клубот“, пишува изданието, алудирајќи на италијанскиот тренер кој ги предводеше „росонерите“ во периодот од 2010 до 2014 година.
Според информациите, во Њујорк имало состанок помеѓу сопственикот на Ред Бирд (компанијата во чија сопственост е Милан) Гери Кардинале и извршниот директор Џорџо Фурлани на која се разговарало за иднината на клубот. Се чини дека времето на Консеисао на кормилото на „росонерите“ е при крај. Португалецот ќе си замине на крајот од сезоната или уште порано доколку продолжат негативните резултати. Не е исклучено ниту итен отказ, особено во случај на пораз на денешниот натпревар против Лече.
По неуспешните потраги во минатото, „росонерите“ сакаат да се обложуваат на победнички тренер и веруваат дека поранешниот тренер на Јувентус, кој е без тим откако ја напушти Старата дама, е вистинскиот човек за предизвикот.
Неуспехот да се квалификува во Лигата на шампионите следната сезона би бил неподнослив, бидејќи навивачите веќе се бесни на моменталната состојба на тимот. Токму затоа Алегри се смета за вистински избор, со оглед на неговата богата колекција на трофеи и неговиот стил на игра.
Други причини кои се наведени се неговата способност да се прилагоди на достапните играчи, како и фактот дека тој веќе бил во клубот.
Алегри е прв избор, но има и план „Б“ во случај на неуспех: Сеск Фабрегас и Роберто Де Зерби.