Пјер-Емерик Обамејанг, фудбалската ѕвезда на Арсенал и на репрезентацијата на Габон, нема поголеми проблеми со срцето, објавија во саботата англиските медиуми.
По пристигнувањето на Африканскиот куп на нации минатата недела, Обамејанг доби позитивен тест за КОВИД-19 кој се рашири во играчкиот кадар на Габон.
Исто така, дополнителните тестови покажаа дека тројца репрезентативци на Габон, а освен Обамејанг, се работи за Аксел Меје и Марио Лемина, имаат проблеми со срцето по инфекцијата со коронавирусот.
Од овие причини споменатите тројца не беа на теренот на натпреварот помеѓу Габон и Гана кој заврши 1-1, а веднаш по сознанието лекарите на Арсенал стапија во контакт со лекарскиот тим на Габон.
Утврдено е дека Обамејанг, како и другото дуо, се чувствува добро. Дека првичните тестови покажале благи проблеми и дека само како мерка на претпазливост не го одиграле сите натпреварот против Гана.
Најавени се дополнителни тестови (магнетна резонанца), а репрезентацијата на Габон најави дека сака „да ги следи сите протоколи и да внимава на здравјето на фудбалерите“.