Капитенот на француската фудбалска репрезентација Килијан Мбапе изјави дека Шпанија заслужено се пласирале во финалето на Европското првенство, пренесуваат француските медиуми.
„Фуријата“ синоќа во полуфиналето ја совладаа Франција со резултат 2:1.
„Едноставно не направивме доволно за да стигнеме до финалето, не бевме подобри од Шпанија и заслужено загубивме. Или си добар за фудбал или не. Не бев добар. Сакав да бидам шампион на Европа и да играм добро, а не исполнив ништо од тоа. Мојот настап на ЕП беше катастрофа“, изјави Мбапе.
Тој ќе биде претставен како нов играч на Реал следната недела во Мадрид.
„Сега ќе одмарам и ќе се подготвувам за новата сезона. Одам добро да се одморам, тоа ми треба за да се подготвам за почеток на новиот живот. Ме чека многу“, изјави францускиот фудбалер.
Мбапе одговори и на прашањето дали на француската репрезентација и се потребни промени.
„Јас не сум селекторот, тоа е прашање за него. Не можам да кажам што треба да се промени. Моето е да бидам најдобрата верзија од себе за моите соиграчи. Тоа е прашање за тренерот“, изјави Мбапе.