Пратеникот на Српската напредна партија (СНС) Милован Дрецун денеска изјави дека во петок навечер, со почеток во 18 часот, паравоени хулигански криминални формации ќе ги нападнат студентите во Паркот на Пионерите.
„Кој ги подготви? Кој им плаќа од 300 до 350 евра да напаѓаат студенти, да ги тепаат? Кој носи овде полициски лисици, тејзери, ножеви? Оние кои ја обвинуваат актуелната власт дека подготвува насилство. Наше право е да ги браниме овие студенти“, рече Дрецун на седницата на српскиот парламент.
Дрецун рече дека „она што ќе се случи на 15 март ќе кулминира утревечер со нападот на тие паравоени формации врз студентите во Паркот на Пионерите“.
„Нашата работа е да бидеме таму. Не чекајте директиви од никого. Да ја одбраниме Србија затоа што утре вечер ќе ја браниме во паркот на Пионерите. Утре вечер е нивниот главен удар. Со сета сила ги напаѓаат студентите во паркот“, повтори Дрецун и најави дека ќе биде таму.
Дрецун рече дека во Паркот има студенти кои „полагаат испити со совршени резултати“.
„Она што нашите студенти го прават во Паркот го прават за Србија, која треба да биде просперитетна и да им овозможи на луѓето да добијат нормално образование и да живеат нормално“, рече Дрецун.