Романо Флориани Мусолини (18), правнук на фашистичкиот диктатор Бенито Мусолини, потпиша професионален договор со Лацио, чии ултраси се познати по нивната фашистичка идеологија.
Младиот фудбалер штотуку наполни 18 години и игра како десен бек, а неговото име се појави во записникот од последниот натпревар од јуниорскиот шампионат помеѓу Лацио и Јувентус, кој „бјанконерите“ го добија со 2-0.
Мусолини, сепак, не влегол во игра и го следел натпреварот од клупата, а неговото презиме предизвика големо внимание кај италијанските медиуми, кои пренесоа дека младиот човек не бил заинтересиран за политика и дека бил фокусиран исклучиво на фудбал.
Интересно, Романо Флориани бил член на пионерската селекција на Рома на 13-годишна возраст, пред да се приклучи на градскиот ривал Лацио.
Неговата мајка Алесандра Мусолини, позната во Италија како политичар и телевизиска личност, не сакала да ја коментира нејзината врска со нејзиниот „славен“ дедо.
“Претпочитам да се држам настрана од таа тема. Мојот син не сака да се мешам во неговиот живот и во тие работи”, рекла Алесандра Мусолини, која е основач на десничарска организација во Италија.