Врз основа на донесената одлука на Советот на општина Маврово и Ростуше, турското знаме поставено е на јарбол пред општинската зграда во Ростуше, со што испочитувана е волјата на турска заедница, која е најмногубројна во општината, објави на Фејсбук огранокот на Демократската Партија на Турците за оваа општина.
– На иницијатива на членот на Советот на општина Маврово и Ростуше, Сеадин Сејдију, кој е избран од редовите на Демократската партија на Турците во Македонија (ТДП), пред административната зграда на општина Маврово и Ростуше, покрај македонското, поставено е и турското знаме, кое претставува национален симбол на најбројната етничка заедница во општината, стои во објавата.
Се додава дека според резултатите од последен попис во РСМ спроведен во 2021 година, турската етничка заедница е најмногубројна во општина Маврово и Ростуше.
-Демократската Партија на Турците во Македонија (ТДП) како и секогаш така и во иднина ќе работи во интерес на сите граѓани во општината, и ќе се залага за правда и развој подеднаков за сите, се нагласува во објавата.