На денешниот состанок Комисијата за заразни болести ја разгледуваше евентуалната можност за промена на почетокот на второто полугодие од учебната 2021/2022 година.
-Одлуката по овој предлог ќе биде донесена непосредно пред почетокот на второто полугодие, бидејќи клучно ќе биде каква е епидемилошката состојба во државата. Одлуката за почетокот на второто полугодие од учебната година ќе биде усогласена и со Министерството за образование и наука, соопштија од Министерството за здравство.
Движењето „Поддршка за онлајн настава“ ја изрази својата загриженост поради наставата со физичко присуство во време кога вирусот зема замав. Администраторката Ана Глигорова вели дека со новиот сој на корона вирусот, со оглед на тоа дека е позаразен, се заразуваат по цели семејства, а не се поштедени ниту децата.
Оваа иницијатива според нив има голема поддршка од родителите. Во Фејсбук групата има околу 15 илјади членови кои бараат онлајн настава.