Актерката Ен Хеч почина во петокот од последиците на сообраќајна несреќа што се случи една недела претходно.
Полицискиот оддел во Лос Анџелес откри дека истрагата за несреќата нема да продолжи:
„Истрагата за сообраќајната несреќа на 5 август во Калифорнија во која актерката Ен Хеч се здоби со кобни повреди ќе биде затворена по веста дека актерката починала. Од денеска нема да има дополнителни истражни напори за овој случај. Какви било информации или евиденцијата која од надлежните органи побарани пред овој пресврт ќе продолжи да се собира и формално ќе се додаде во предметот“.
Да потсетиме, актерката под дејство на психоактивни супстанци со својот автомобил влегла во гаража на двокатна куќа, која ѝ припаѓа на Џенифер Дуранд, но била изнајмена од жена по име Мишел.
По судирот избувнал пожар кој ги зафатил куќата и возилото во кое била актерката, а во кој биле уништени предметите на споменатата жена.