9
На 06.03.2026 во 13:00 часот во Гевгелија, полициски службеници од СВР Струмица-ОВР Гевгелија го лишија од слобода В.Ј.(42) од Гевгелија.
При претрес на неговиот дом, извршен со судска наредба, биле пронајдени бела грутчеста материја, црна грутчеста материја, марихуана, предмети со остатоци од марихуана, предмети со остатоци од бела прашкаста материја, предмети исполнети со проѕирна течност и други предмети. Претходно, на ул.„Коле Неделковски“ во Гевгелија, при преглед кај В.Ј. полициските службеници, исто така, пронашле и одзеле марихуана.
За случајот е запознаен јавен обвинител од Основното јавно обвинителство Гевгелија и по негово документирање против В.Ј. ќе биде поднесена соодветна пријава.