Претседателката на Собранието на Албанија денеска во Скопје, ќе се сретне со Гаши и Филипче

Претседателката на Собранието на Албанија, Елиса Спиропали денеска ќе ја посети Македонија, каде ќе се сретне со дел од водечките политички фигури во земјава.

Прес-службата на албанскиот Парламент соопшти дека Спиропали ќе оствари повеќе средби.

Предвидено е Спиропали да се сретне со нејзиниот македонски колега Африм Гаши и со лидерот на ДУИ, Али Ахмети.

Предвидени се средби и со поранешниот претседател на Собранието и член на ДУИ, Талат Џафери, како и со лидерот на опозициската СДСМ, Венко Филипче.

По средбата е предвидено соопштение за медиумите.