Сите играчи и тренерскиот штаб на фудбалската репрезентација на Узбекистан добија автомобили како подароци по историскиот пласман на Светското првенство во 2026 година.
По последниот свиреж на натпреварот во Ташкент против Катар, каде што Узбекистан славеше со резултат од 3:0, по наредба на претседателот на земјата Шавкат Мирзијоев, 40 електрични автомобили BYD беа донесени на теренот, а клучевите им беа предадени на сите фудбалери и членови на тренерскиот штаб на овој азиски тим.
Претходно, претседателот Мирзијоев подари 33 автомобили на репрезентацијата на Узбекистан до 20 години, која го освои Азискиот куп во 2023 година.
Мирзијоев е човек кој го разбира и поддржува спортот и ја цени напорната работа на своите сограѓани, а сега одлучи да ги награди богато.
УЗБЕКИСТАНЫ ЕРӨНХИЙЛӨГЧ ХӨЛБӨМБӨГИЙН ШИГШЭЭ БАГАА УРАМШУУЛЛАА.
Узбекистаны хөлбөмбөгийн шигшээ баг түүхэндээ анх удаагаа хөлбөмбөгийн ДАШТ-д оролцох эрхээ хэдхэн хоногийн өмнө авсан билээ.
Тэгвэл түүх бүтээсэн шигшээ багийн хөлбөмбөгчид болон дасгалжуулагчдын багийнхандаа… pic.twitter.com/45QAQVtv3y— Batbayar (@Baabarfc) June 11, 2025
Узбекистан го заврши натпреварувањето на второто место во групата и, заедно со Иран, обезбеди место на завршниот турнир, додека ОАЕ и Катар ќе продолжат од оваа група во баражот.
Светското првенство ќе се одржи во САД, Канада и Мексико од 11 јуни до 19 јули, а ова ќе биде прв пат да се натпреваруваат 48 репрезентации од шест конфедерации.
По јунскиот циклус на репрезентации, дури 13 репрезентации обезбедија место на Светското првенство, имено Узбекистан, Јордан, Јапонија, Иран, Јужна Кореја и Австралија од Азија, потоа Аргентина, Бразил и Еквадор од Јужна Америка, додека Нов Зеланд е претставник на Океанија.
Покрај нив, три репрезентации домаќини, САД, Канада и Мексико, исто така обезбедија место на Светското првенство.