Претседателот на Република Македонија Ѓорге Иванов, на вториот ден од официјалната посета на Чешката Република, ќе оствари средби со чешкиот премиер Андреј Бабиш и со претседателот на Пратеничкиот Дом, Радек Вондрачек.
Иванов вчера со највисоки државни и воени почести беше примен од чешкиот претседател, Милош Земан.
По средбата, коментирајќи го неуспешниот референдум од 30 септември, претседателот Иванов повика на одговорност.
На прашање за коментар за Договорот со Грција, чешкиот претседател Земан изјави дека не сака да се меша во внатрешните работи на Македонија, но ги повика двете страни да продолжат со преговорите.
– Тоа може да трае долго, но се надеваме дека овој спор ќе успеете да го решите, изјави Земан на прес конференцијата.
Синоќа во Прага, претседателот Иванов оствари средба и со претседателот на чешкиот сенат, Милан Штех.
Сопругата на претседателот на Република Македонија, Маја Иванова, денеска, во рамки на дамската програма, ќе го посети Националниот институт за аутизам – НАУТИС во Прага.