Американската компанија „Northrop Grumman“ го претстави својот нов авион Б-21 „Рајдер“, прв во новата флота на стелт нуклеарни бомбардери со долг дострел за воздухопловните сили на Соединетите Американски Држави.
Б-21 беше претставен на церемонија во фабриката на „Northrop“ во Палмдејл, Калифорнија, каде јавноста за прв пат го виде новиот бомбардер.
Б-21, кој има облик на крило како неговиот претходник, Б-2, ќе може да испорачува и конвенционално и нуклеарно оружје низ целиот свет, користејќи ги можностите за долг дострел и полнење гориво во воздух, пишува Ројтерс.
Во 2010 година, се предвидуваше дека авионот ќе чини околу 550 милиони долари, или околу 750 милиони долари денес, кога ќе се прилагоди на инфлацијата. Воздухопловните сили на САД планираа да купат најмалку 100 авиони и да започнат со замена на бомбардерите Б-1 и Б-2.
Unveiled today, the B-21 Raider will be a dual-capable, penetrating-strike stealth bomber capable of delivering both conventional and nuclear munitions. The B-21 will form the backbone of the future Air Force bomber force consisting of B-21s and B-52s.(U.S. Air Force photo) pic.twitter.com/X6KSU7sy6U
— U.S. Air Force (@usairforce) December 3, 2022
„Northrop“ го нарекува Б-21 авион од шестата генерација, со оглед на неговата способност да се спојува со други авиони и лесно да го интегрира идното оружје во својот систем.
Б-21, исто така, има поиздржлив материјал со површина со слаба видливост, што овозможува прикриеност и ќе бара помалку одржување и ќе ги сведе оперативните трошоци и времето на застој на минимум, изјави за Ројтерс Даг Јанг, секторски потпретседател и генерален директор на „Northrop Grumman“.