Претставникот на Тонга на Олимпијадата во Пјонгчанг ги стопли срцата на Корејската публика и беше центар на вниманието за време на парадата на спортистите на отворањето на Игрите.
34-годишниот Пита Тауфатофуа излезе топлес и по сандали, гордо веејќи го знамето на Тонга. Единствениот претставник на оваа земја не се уплаши од ниските температури и наполнет со позитивно расположение и широка насмевка, продефилира под аплауз од гледачите. Тауфатофуа ќе настапи во ски-трчање на неговите први Зимски олимписки игри.
Спортистот од Тонга учествуваше на Летните олимписки игри во Рио де Жанеиро и тогаш повторно беше знаменосец на делегацијата на Тонга за време на церемонијата на отворањето. Во Рио, Тауфатофуа учествуваше на таеквондо турнирот, каде што беше отстранет во првиот круг.
Two years on from Rio and @PitaTaufatofua is topless again! ? Welcome Tonga to the Winter @Olympics! ??
See more on @pyeongchang2018 here: https://t.co/M70cMvG6ul pic.twitter.com/w8IQKpDLgM
— Olympic Channel (@olympicchannel) February 9, 2018