Претставувајќи се како директор, од ќелија во затворот „Идризово“ измамил седум лица

МВР потврди дека е поднесена кривична пријава против Б.А.(34) од Скопје, поради постоење основи на сомнение за сторени седум кривични дела „измама“, додека бил на издржување затворска казна во КПУ „Идризово“.

„Лицето преку мобилен телефон лажно се претставувал како сопственик или раководител на различни фирми и лицата К.Б.(65), С.К.(47), Џ.Л.(55) од Тетово, А.Х.(36), Ј.М.(67) од Скопје, С.С.(40) од с.Џепчиште и М.Б.(62) од с.Беловиште ги довел во заблуда дека неговата фирма деловно ќе соработува со нив и од нив успеал да земе парични средства“, велат од полицијата, дополнувајќи дека е причинета материјална штета од околу 315.000 денари.