Превртена приколка од камион кај Демир Капија

Приколка од камион се преврте утрово кај местото викано Јаворица, на патот Валандово-Демир Капија.

Како што информираат од АМСМ, утрово од 07:20 часот сообраќајот е во прекин во двата правца.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.