При претрес во Струмица пронајден хероин, а дилерот е приведен

Полициски службеници од Секторот за внатрешни работи Струмица вчера го лишиле од слобода П.П. (39) од Струмица. При претрес во неговиот дом извршен со судска наредба полицијата пронашла повеќе пакувања со хероин.

П.П. бил задржан во Полициска станица Струмица, а за настанот бил известен Јавен обвинител од Основното јавно обвинителство Струмица.

По документирање на случајот против П.П. ќе биде поднесена соодветна пријава и во текот на денот ќе биде изведен пред Судија на претходна постапка од Основен суд Струмица, информираат од полицијата.