Пријанка Чопра на Инстаграм ја објави првата фотографија од својата ќерка откривајќи дека нејзиното бебе поминало 100 дена на одделението за интензивна нега по раѓањето.
На фотографијата ја гледаме актерката и поранешна Мис на светот со малата Малти Мари која се роди на почетокот на годинава и нејзиниот сопруг Ник Џонас (28). Пријанка Чопра (39) по повод Денот на мајката објави емотивна слика придружена со посебна порака.
– На овој ден на мајката не можеме а да не се навратиме на последните неколку месеци и на турбулентните настани што ни се случија, а знаеме дека и многу други луѓе ги доживеале – напиша Пријанка Чопра на Инстаграм и додаде:
-По повеќе од 100 дена на одделението за интензивна нега, нашето девојче конечно е дома. Искуството на секое семејство е единствено и бара вера.