Принцот Џорџ остави уште еден Канаѓец со раката во вис, по само неколку дена, откако одби да се поздрави и со канадскиот премиер. Малиот принц, очигледно не беше во расположение за забава кога поминуваше на аеродромот “Victoria”, на последниот ден од турнејата на неговото семејство во Канада.
Откако тој го игнорираше обидот на премиерот Џастин Трудо да го направат пријателскиот поздрав “дај петка”, на пристигнувањето во Канада неколку дена претходно, овој пат неговото ледено расположение го покажа на момчето Даниел Брахман. 
Даниел беше виден како се приближува кон младиот принц, кој ја држеше раката на татко му Војводата од Кембриџ, и кога канаѓанецот ја испружи раката, принцот само се сврте кон татко му. 
И покрај тоа 9-годишниот Даниел, кој беше претставник на организацијата “Power to be bent down” беше возбуден што се запозна со кралското семејство, подавајќи и букет цвеќиња на Војвотката.
Во меѓувреме беше изјавено дека ова ќе биде нивната последна посета како семејство бидејќи Војводата и Војвотката сакаат нивните деца да имаат “нормално детство”.
Завршувајќи ја нивната кралска посета, неговото височество Војводата од Кембриџ изјави:
“Кетрин и јас сме неверојатно благодарни на луѓето од Канада за нивната топла гостопримливост што ни ја пружија на нас и нашето семејство изминатава недела.
Ни се допадна како си го поминавме времето во Британска Колумбија и Јукон и никогаш нема да ги заборавиме прекрасните места што ги видовме и големиот дел луѓе кои беа доволно љубезни, лично да ни посакаат добредојде.
Се чувствуваме многу среќни што можевме Џорџ и Шарлот да ги запознаеме со Канада. Оваа земја ќе игра голема улога во животите на нашите деца и ние создадовме многу среќни спомени за време на нашата семејна посета.
Канада е земја на оптимизам, великодушност и незаменлива природна убавина. Се надевам дека ние им помогнавме на сите Канаѓани да го прослават она што ја прави оваа држава прекрасна. Ќе се видиме повторно наскоро.”