122
На девет од вкупно 36 лица осомничени за кривичното дело „Учество во странска војска, полиција, паравоени или параполициски формации“ им е одредена мерка притвор во траење од 30 дена.
Како што соопшти Основниот суд Скопје 1, по разгледување на фактите и доказите предложени од Основното јавно обвинителство и по сослушувањето во присуство на нивните бранители, оценето е дека се исполнети условите кои произлегуваат од одредбите на Законот за кривичната постапка за определување мерка притвор.
Останатите 27 лица најпрво ќе бидат приведени за што е издадена наредба, а потоа, по нивното обезбедување и сослушување, ќе се одлучува дали ќе бидат притворени.