283
Дефанзивецот Хозе Хименес е повреден и нема да игра за Атлетико Мадрид во дербито со Реал Мадрид во недела, објавија медиумите во Шпанија.
23-годишниот уругвајски репрезентативец ги пропушти последните два натпревари – против Депортиво Ла Коруња од Примера Лига, како и против Спортинг Лисабон во четвртфиналето на Лигата на Европа.
За последен пат, Хименес играше на контролните средби на Уругвај со Велс и Чешка во март. Претходно оваа недела тренерскиот персонал на „јорганџиите“ изрази надеж дека Хименез ќе може да игра во претстојното дерби на шпанската престолнина.
Атлетико Мадрид е на второто место со 67 поени, додека Реал Мадрид е на четири поени помалку на третото место, осум круга пред крајот на сезоната.