Властите во Калифорнија продолжија со воздушната потрага по британскиот актер Џулијан Сендс, кој исчезна на планинарење минатиот петок. Потрагата на теренот е одложена до дополнително известување поради лошите временски услови. Британскиот актер последен пат е виден пред една недела во планинскиот венец Сан Габриел, кој се наоѓа северно од Лос Анџелес. Полицијата соопшти дека го пронашла неговиот автомобил во близина на местото каде што бил пријавен за исчезнат.
„Оттогаш нема нови информации каде се наоѓа“, изјави Глорија Хуерта од Канцеларијата на шерифот во Сан Бернардино за Би-Би-Си.
Оттаму соопштија дека одговориле на 14 повици за помош на планината Балди и околината во изминатите четири недели и ги предупредиле планинарите „да размислат двапати и да ги слушаат предупредувањата“ во услови на неповолни временски услови.
Колегите актери излегоа на социјалните мрежи за да изразат загриженост за благосостојбата на Сендс, а неговото семејство им помога на властите во потрагата.
Сендс глумеше во филмови и серии, вклучувајќи ги 24, Smallville и A Room with a View. Тој живее во Лос Анџелес од 2020 година, а неодамна се појави во драмата Benediction со неговиот колега Питер Капалди.
Има три деца и живее во Лос Анџелес со сопругата, писателката Евгенија Читковиц.