588
Времето денеска ќе биде сончево и топло со мала до умерена претежно висока облачност, информираат од УХМР. Ќе дува слаб ветер од јужен правец.
Минималната температура ќе биде во интервал од 6 до 14, а максималната ќе достигне од 21 до 28 степени.
Во Скопје сончево и топло со мала до умерена облачност и со слаб јужен ветер. Максималната температура ќе се искачи до 24-от степен.
Продолжува периодот на релативно топло време. Во среда од пладневните часови облачноста ќе се зголеми и од запад ќе се прошират врнежи од дожд кои понекаде ќе имаат умерен интензитет и ќе бидат проследен со појава на ретки грмежи. Во четврток и особено во петок се очекуваат врнежи од дожд претежно во западните делови од земјата.