Аеродромот во Хамбург се уште е затворен, бидејќи се уште не е завршена заложничката криза која започна синоќа околу 20 часот. Како што пишува германски Билд, полицијата цела ноќ преговарала со маж (35) кој сака да го однесе неговото дете (4) во Турција, а последен пат разговарале околу 6 часот и 40 минути кога кажале дека ситуацијата сè уште била непроменета, односно дека заложничката криза сè уште трае.
Според овој медиум, аеродромот е затворен, а откажани се и првите летови закажани за денеска.
Сандра Левгрун, портпаролка на полицијата, за Билд изјави дека полицијата цела ноќ преговарала со мажот на турски јазик, дека преговорите продолжуваат и дека позадината на инцидентот е очигледен спор околу старателството на детето.
Во 20:12 часот на аеродромот „Хелмут Шмит“ во Хамбург бил забележан вооружен маж. Според „Билд“, непознато лице се возело пред Терминал 1 со Ауди без регистарски таблички. Отпрвин брзо излетал, но неколку минути подоцна автомобилот ја пробил безбедносната бариера на северната капија и се упатил кон авионите.
Возилото сè уште се наоѓа на платформата во делот на терминалот за деловна авијација.
„Билд“ синоќа дозна дека маж паркирал автомобил со дете во него директно под авионот. Се вели дека мажот предизвикал неколку пожари во областа на аеродромот.
Сепак, тоа не е се.
Тој наводно фрлил две запалени шишиња од автомобилот, „некакви молотови коктели“, изјави Томас Герберт, портпарол на федералната полиција. Пожарникарите за безбедност го испрскале авионот со вода. Мажот наводно испукал и неколку куршуми од своето Ауди.
Непосредно пред вооружениот маж да биде забележан од безбедносните сили на аеродромот, неговата сопруга ја алармирала полицијата и во итен повик ја предупредила полицијата дека нејзиниот сопруг брза кон аеродромот – со детето.