Продолжува жешкото време, наместа температура до 39 степени

Сончевото и многу топло време во Македонија продолжува, информираат од УХМР. Денеска максималните дневни температури ќе достигнат до 39 Целзиусови степени.

Ќе дува слаб до умерен, а наместа повремено засилен ветер од југозападен правец.

Во Скопје сончево и многу топло со мала облачност и максимална температура до 36 степени. Ќе дува умерен ветер од југозападен правец. Вредноста на ултравиолетово зрачење (УВ) ќе биде 8.

До четврток ќе се задржи сончево и многу топло време. Според прогнозираните температури ќе биде активно жолто, а во југоисточниот дел од земјата портокалово ниво за опасност од високи температури.

Промена на времето со локален пороен дожд, грмежи и пад на температурата се очекува во петок.