Проектот „Ново Име“ успешно е продолжен во Македонија, а за најмногу гласови во третиот, повратничкиот циклус, успеа да се избори Антониј Ристески, млад ди-џеј од Охрид.
Музиката и овој месец однесе победа, а за Антониј ова беше втора среќа, имајќи во предвид дека во претходниот круг на гласање, во текот на февруари, загуби од тогашниот победник – Влатко Иљачев, кого талентот за пеење и пишување на балади го доведе до титулата второ Ново Име во Македонија.
За потсетување, проектот Ново Име, кој во потполност го реализира компанијата ХТЛ МАКЕДОНИЈА и брендовите ADMIRAL, ASTRA и CASINO FLAMINGO, членки на групацијата NOVOMATIC, во средината на март, беше привремено стопиран, како би бил повторно активиран во јуни. Тогаш шанса за унапредување на своите таленти и знаења од областа на уметноста, културата, науката и спортот, добија сите оние кои своите пријави ги испратија во март, а кои беа валидни, и со самото тоа, ги задоволија критериумите да се најдат пред публика на платформата novoime.mk.
„Желба ми е да натапувам на Tomorrowland и таму да ги запознаам големите ѕвезди од DJ сцената, но, сепак, најголем сон ми е да остварам меѓународна кариера, мојата музика да го освои светот“, се зборови на третото Ново Име, осумнаесетогодишниот Антониј Ристески, кој веќе три години е вистински вљубеник во звуците на електронската музика.
Тој всушност, со победата во третиот круг на проектот „Ново Име“обезбеди парична поддршка во износ до 2.500 евра за унапредување на својот талент.
Иста можност веќе сега може да се обидат да добијат сите млади од 16 до 30 години, од цела Македонија, кои се подготвени да ѝ претстават на јавноста некој свој талент и тоа така што ќе ја испратат својата пријава до средина на јули, а повеќе детали за тоа може да пронајдат на споменатата платформа novoime.mk. Потсетуваме и на тоа дека сите оние кои не издејствуваа победа во претходните три круга, може повторно да ја испробаат својата среќа, но, потребно е повторно да се испочитува целата процедура за пријавување. Антониј ја искористи својата втора шанса, која можеби повторно го чека некого од претходно пријавените.