323
Овие два задоцнети индикатори го потврдуваат настапувањето на врвот на летниот бран. Првиот е ефективниот репродукциски број Rt со седумдневно усреднување, а вториот е пресекот на брзата со бавната подвижна средина на дневниот број на нови случаи (7-дневната ја пресече одгоре надолу 14-дневната подвижна средина), пишува во својата ковид анализа проф.Дејан Трајковски.
-Доцнењето изнесува околу 5 дена, што значи дека врвот настапил некаде околу 24.08.2021. година.Во следните денови се очекува понатамошно намалување на дневните броеви. Дури ни започнувањето на учебната година не би можела да даде видлива промена пред 10.09, до кога броевите би опаднале на просечно 500 новодијагностицирани дневно, информира Трајковски.