Српскиот министер за иновации Ненад Поповиќ денеска за Танјуг изјавил дека руската вакцина против коронавирус „Спутник V“ ќе започне да се произведува во Србија, во Институтот „Торлак“ до 20 мај.
Ова, како што рече, билопотврдено денеска на средбата во Москва со неговиот руски колега, министерот за индустрија и трговија Денис Мантуров, на која била потврдена мапата за патот за организација на производство на руската вакцина во Србија.
„На тој начин, Србија ќе биде првата земја во Европа што ќе произведе руска вакцина и ќе може да ја извезува низ цела Европа“, нагласил Поповиќ.
Министерот рекол дека најкомпетентните институти од Русија, пред сè, Гамалеја, Институтот што ја создаде вакцината „Спутник V“ и рускиот фонд за директни инвестиции, руското Министерство за индустрија и трговија и фабриката „Гемеријум“ од Владимирскиот регион, учествувале во изработката на патната карта од која Србија денес добива најголем број вакцини.
„Кога станува збор за количините, ова е прва фаза, во која ќе бидат произведени четири милиони вакцини“, рече Поповиќ.
На средбата меѓу претседателот Александар Вучиќ и вицепремиерот на Русија, Јуриј Борисов, на 15 февруари во Белград, била издадена наредба да се подготви патоказ за воспоставување на производство на руските вакцини во Србија во рок од еден месец.