Пронајдени мигранти во беровско

Од МВР соопштуваат дека во малешевскиот регион биле откриени мигранти. Жители од овој регион синоќа во 19:37 часот пријавиле во Полициската станица во Берово дека во селото Мачево забележале десет мигранти од Бангладеш.

„Вчера во 19.37 часот во Полициската станица Берово било пријавено дека во с.Мачево, беровско, биле забележани 10 мигранти од Бангладеш, кои од страна на полициски службеници, по извршеното документирање, биле предадени во Полициската станица за граничен надзор Ново Село за понатамошна постапка“, соопштуваат од МВР.