Во август 2025 година просечната месечна исплатена бруто-плата изнесува 68.180 денари, a просечната месечна исплатена нето-плата изнесува 45.310 денари, соопшти денеска Државниот завод за статистика.
Во август 2025 година, во однос на август 2024 година, просечната месечна исплатена бруто-плата по вработен е повисока за 10.3 %.
Ваквото зголемување се должи, пред сѐ, на зголемувањето на просечната месечна исплатена бруто-плата по вработен во секторите: Дејности на здравствена и социјална заштита за 14.9 %, Образование за 14.8 % и Административни и помошни услужни дејности за 14.4 %.
Зголемување на просечната месечна исплатена бруто-плата по вработен, во однос на претходниот месец, е забележано во секторите: Уметност, забава и рекреација за 5.3 %, Објекти за сместување и сервисни дејности со храна за 4.8 % и Рударство и вадење на камен за 4.6 %.
Просечна месечна исплатена нето-плата по вработен, август 2025 година
Просечната месечна исплатена нето-плата по вработен, во август 2025 година, изнесува 45. 310 денари.
Во август 2025 година, во однос на август 2024 година, просечната месечна исплатена нето-плата по вработен е повисока за 10.3 %.
Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Дејности на здравствена и социјална заштита за 14.6 %, Образование за 14.5 % и Административни и помошни услужни дејности за 14.1 %.
Зголемување на просечната месечна исплатена нето-плата по вработен, во однос на претходниот месец, е забележано во секторите: Уметност, забава и рекреација за 5.2 %, Објекти за сместување и сервисни дејности со храна за 4.7 % и Рударство и вадење на камен за 4.5 %.