Загрепската полиција во понеделникот потврди дека изутрината била информирана за поставување на неколку експлозивни направи, а во тек се проверки и процедури за да се утврди дали пријавите се лажни.
Според хрватските медиуми, пријавите биле испратени до судовите во Вараждин, Дубровник, Сплит, Пула…
За „Хина“ е потврдено дека од 9.10 до 9.30 часот биле информирани за можно поставување на неколку експлозивни направи.
Посочија дека во тек се нивните проверки и процедури за да се провери дали пријавите се лажни, како што досега им се покажувало на сите.
Телевизијата N1 утрото објави дека и до Врховниот суд утринава пристигнала дојава за бомба и дека сите вработени во судот се евакуирани.
Вработените во Општинскиот и Жупанискиот суд во Сплит, општинското и жупаниското државно правобранителство, неколку стотици од нив, се евакуирани од зградите поради дојава за бомба, потврди портпаролот на Жупанискиот суд, судијата Динко Мешин, кој рече дека тие ја добиле дојавата за бомба преку е-пошта во 9:24 часот.
Наводно пишувало „Згради ќе се рушат. Не го игнорирајте ова. Бомбата е поставена“, пренесува Net.hr.