Одлуката на Далас Маверикс да се откаже од Лука Дончиќ и понатаму го тресе кошаркарскиот свет. Ниту главните актери не ја оставаат работата да се олади – и сега се огласи Патрик Димонт, првиот човек на франшизата од Тексас. Тој фрли сомнеж на посветеноста на Лука Дончиќ.
Словенецот веруваше дека целата своја кариера ќе ја помине во Далас. На тоа се надеваа и навивачите на Маверикс. Сепак, оваа зима промени се. Раководството на клубот реши да го испрати во Лос Анџелес Лејкерс во замена за Ентони Дејвис.
„Не е лесно да се донесат тешки одлуки, дури и кога тие се вистинските. И лесно е да не правиш ништо. Но, кога сакате да се стремите кон извонредност во организацијата, мора да донесувате тешки одлуки и да застанете зад нив“, изјави Патрик Димонт.
Тој категорично ги отфрли коментарите дека Дончиќ бил тргуван од финансиски причини – само четири месеци пред тој да има право на договор за супермакс вреден 346 милиони долари.
„Јас сум голем фан на Лука. Моето семејство исто така. Навистина го ценам тоа што го донесе во овој тим, што му донесе во Далас. Тој е неверојатен играч. Сакам да знаете дека навистина сочувствувам со сите наши навивачи кои се повредени. Видете, што се однесува до мене, Лука засекогаш ќе биде Маверик и искрено не му посакувам ништо друго освен среќа и успех во кариерата“, порача Димонт.
По „трејдот“ која ги изненади сите, многумина се запрашаа зошто дошло до тоа. Многумина велеа дека Лука бил ослободен затоа што имал проблеми да остане фит, бидејќи бил склон на повреди …
Далас порача дека сакаат играчи кои „се вклопуваат во нивната култура“.
„Според мене, тимовите победуваат со фокус, вистински карактер, вистинска култура и вистинска посветеност на работата. Тие победуваат работејќи напорно и давајќи се од себе за на крајот да ја освојат титулата, а ако не го направите, губите. Ако ги погледнете великаните на оваа лига, луѓето со кои пораснавме вие и јас – Џордан, Бирд, Коби, Шек – тие работеа навистина напорно, секој ден, со единствен фокус на победата. А ако го немате тоа, тогаш нема резултати. И ако го немате тоа, не треба да бидете дел од Далас Маверикс. Тоа е она што го сакаме. Јас сум категоричен за ова. Целата организација го знае тоа. Така работам надвор од кошарката. Ова е единствениот начин да се биде конкурентен и да се победи. Ако сакате да одите на одмор, не правете го тоа со нас“, истакна Димонт.
Првиот човек на франшизата од Далас призна дека е многу повеќе вклучен во дискусиите за потенцијалниот тимски состав со Ник Харисон отколку пред една година.
„Не само што треба да се бориме во Западната конференција, каде што многу екипи се подобрија овој преоден рок, туку за да дојдеме до нашата крајна цел, треба да го преживееме Истокот. Ја анализиравме оваа сезона за да видиме дали сме се подобриле од ланското финале. И ако ги погледнеме нашите перформанси пред овие промени, јасно е дека не сме“, заврши тој.