Поранешната министерка Радмила Шекеринска се огласи на социјалните мрежи откако беше објавено дека е назначена за втор човек на НАТО алијансата. Преку објава на социјална мрежа „Х“, Шекеринска порача:
„Ќе ми биде привилегија да служам како заменик-генерален секретар на НАТО. Посветена сум да работам со сојузниците кон уште посилна и побезбедна Алијанса“.
It will be my privilege to serve as NATO Deputy Secretary General under the leadership of @SecGenNATO. I am committed to working with all Allies towards an even stronger and safer Alliance.https://t.co/fQxXSV7bBb
— Радмила Шекеринска/ Radmila Sekerinska (@Sekerinska) November 19, 2024
Првиот човек на НАТО, Марк Руте, како што се наведува во соопштението на НАТО, оценува дека Шекеринска навистина верува во Алијансата и знае што значи да се биде полноправна членка на Алијансата.
„Задоволство ми е да го објавам именувањето на Радмила Шекеринска за следен заменик генерален секретар. Таа навистина верува во НАТО, знае колку напор е потребен за да се стане членка на Алијансата и што значи да се биде полноправна членка. Со нетрпение очекувам да работиме со неа додека ја презема оваа витална улога“, порачал генералниот секретар на најголемата воена организација.
Шекеринска претходно беше вицепремиер за европски интеграции и министер за одбрана, вклучително и во периодот на претпристапувањето и пристапувањето на земјава во НАТО алијансата во 2020 година.
Таа ќе ја преземе функцијата на крајот на годината, се вели во соопштението на НАТО.