ПУКАЊЕ ВО КАФУЛЕ во Сараево, има повредени

Во сараевската населба Брека вечерва дошло до инцидент кој наводно резултирал со пукање.

Од Оперативниот центар на МВР на кантонот Сараево за N1 потврдиле дека добиле пријава од граѓаните и дека патрола излегла на терен.

„Во моментов можеме само да кажеме дека имаме пријава за нарушување на јавниот ред и мир. Имаме информации дека имало пукање. Патролата излезе на терен“, навеле кусо оттаму.

Сепак, според очевидци, се слушнале истрели, а полицијата и итната помош веднаш пристигнале на местото на настанот. Искршен е инвентар во кафулето, а едно лице наводно е повредено.