Александар Лесун, поранешен олимписки шампион во модерен петобој, одлучи никогаш повеќе да не настапува под руското знаме.
Одлуката ја донел на 22 февруари, а само два дена подоцна започна воената интервенција во Украина, која се уште трае.
„Како се чувствував? Може ли да се заколнам во интервјуто? Да кажам дека сум шокиран не би било ништо. Светот никогаш нема да биде ист после ова”, започна Лесун во интервју за Би-Би-Си.
Тој тогаш посочи дека Русија има позитивна страна.
„Бев горд што се натпреварував под знамето на Русија, баба ми е Русинка и имам многу роднини во Русија… Таа секогаш беше во моето срце, тоа е нешто силно и големо, но не зборувам за војската туку за луѓе, природа. Секогаш. Бев поврзан со тоа“.
Испрати порака и до руските спортисти кои се уште молчат за војната.
„Спортистите во Русија служат само за целта на пропагандата. Тие не размислуваат за ефектот што нивните постапки можат да го имаат врз животите на другите. Никој не мисли дека неговите постапки ќе доведат до смрт на момчиња и девојчиња, мажи и жени и постари луѓе во Украина“, изјави олимпискиот шампион кој е роден во Белорусија.
Од 2009 година зема руско државјанство и освои бројни медали на европски и светски првенства. Успехот на неговата кариера е златниот медал што го освои на Олимписките игри во Рио де Жанеиро во 2016 година.
Тој реши да се откаже од Русија.
„Ситуацијата во Русија станува многу тешка. Некогаш добивавте 15 дена притвор за учество во антивоени протести, а сега можете да добиете и до три години затвор. Во некои случаи и до 15 години“, рече Лесун.