Во текот на ноќта биле спроведени неколку руски напади со беспилотни летала врз Украина, но нема извештаи за напади врз енергетската инфраструктура, за кои рускиот претседател Владимир Путин и американскиот претседател Доналд Трамп се договорија дека повеќе нема да бидат уништени.
Путин ѝ нареди на војската да ги запре нападите врз енергетски цели во следните 30 дена, а разговорите за прекин на огнот треба да продолжат следната недела. Сепак, другите удари не престанаа.
Украински „Хромадске“ известува за „најмасовниот напад на сите времиња“ врз регионот Саратов во Русија, но и дека Кропивницки во Украина го претрпел „најмасовниот удар од почетокот на војната“.
Регионот Саратов во Русија, особено градот Енгелс, бил масовно нападнат со беспилотни летала. Најверојатно бил погоден воениот аеродром Енгелс, што предизвикало евакуација на луѓето што живееле во близина на аеродромот, откако црн чад почнал да се крева над селото.
Kropyvnytskyi is on fire. Around 30 explosions have been heard in the city.
So, as promised, no more strikes on the energy system. But no one said anything about residential areas, right? pic.twitter.com/Ir0sU17CR1
— Saint Javelin (@saintjavelin) March 19, 2025
Кога станува збор за нападите во Украина, руските трупи извршија масовен напад врз Кропивницки со помош на беспилотни летала. Гувернерот на регионот, Андриј Раикович соопштил дека овој руски напад врз градот е најмасовниот од почетокот на војната и дека е погодена цивилната инфраструктура, вклучувајќи високи згради и приватни згради.
Бројот на жртвите во овој напад е најмалку 10, меѓу кои и четири деца, а освен цивилни цели била погодена и железничка инфраструктура.