Русија е земја која ги задоволува сите свои потреби, која е силна и оди напред – ова е најважниот резултат во изминатата година, изјави рускиот претседател Владимир Путин.
Во исто време, водечките европски економии минуваат низ тешки времиња, истакна тој.
„Сите имаат проблеми над глава, неспоредливи се со нашите проблеми. Дури и водечките економии во Европа минуваат низ тешки времиња – ние растеме, а тие паѓаат. Нема да навлегуваме во детали, не сме среќни поради тоа – не се радуваме на тоа. Но, фактот останува факт“, рече рускиот претседател за време на средбата со жителите на градот Анадир во Чукотка.
Како што се испостави, додаде тој, зависноста на Западот од Русија е поголема од зависноста на Русија од Западот.
„Главната работа е што си покажавме и себеси и на целиот свет, што е исто така важно, дека Русија е самодоволна земја во секоја смисла на зборот. Силна и оди напред, самоуверено гледа напред. Ова е апсолутно најважниот резултат во изминатата година“, заклучи Путин.
Рускиот претседател е во работна посета на автономниот регион Чукотка, кој се наоѓа на крајниот исток на Русија.