413
Рускиот претседател Владимир Путин ја прими првата доза на вакцина против Ковид 19.
– Путин беше вакциниран. Се чувствува добро. Утре е ден полн со обврски – изјави портпаролот на Кремљ, Дмитриј Песков.
Песков претходно изјави дека нема да открие која вакцина ја примил Путин, бидејќи, како што наведува, сите три руски вакцини се сигурни и ефикасни, пренесува „Раша тудеј“.
За разлика од многу светски лидери, Путин не се вакцинираше пред камерите, а Песков вели дека на рускиот претседател „не му се допаднала таа идеја“.
Вакцинацијата стави крај на повеќемесечните шпекулации за тоа дали тој веќе ја примил вакцината и дали ќе го стори тоа.