Рускиот претседател Владимир Путин му рекол на својот турски колега Реџеп Таип Ердоган во телефонски разговор дека Русија ќе ги прекине своите воени операции само ако Украина престане со борбите и ако барањата на Москва бидат прифатени, соопшти Кремљ.
Русија инсистира дека нејзината инвазија на Украина од копно, воздух и море е специјална воена операција, за која Путин тврди, без никакви докази, е неопходна за „денацификација“ на земјата, пишува Би-Би-Си.
Рускиот лидер повтори дека рускиот напад се одвива според планот и распоредот.
Слични изјави имаше и претходните денови и покрај проценките на западните аналитичари дека руската воена кампања напредува полошо од очекуваното.
Според соопштението на Кремљ, Путин рече дека се надева оти украинските преговарачи ќе заземат поконструктивен став.