Рускиот претседател ѝ се обрати на јавноста за прв пат по бунтот што го оркестрираше шефот на платеничката војска на Вагнер, Евгениј Пригожин.
Тој рече дека организаторите „ќе бидат изведени пред лицето на правдата“.
Путин рече дека повеќето членови на платеничката армија на Вагнер се патриоти и ќе го одржат ветувањето, откако рекоа дека сакаат да одат во Белорусија.
Путин рече дека бунтот е „криминална активност“ чија цел е „да ја ослабне нацијата“.
Рускиот претседател додаде дека „секој обид за уцена ќе пропадне“ и дека Западот и Киев сакаат руските војници меѓусебно да се убиваат.
Путин ѝ се заблагодари на руската јавност за „поддршката, патриотизмот и солидарноста“ што ја покажаа по бунтот и интервенцијата на белорускиот претседател Александар Лукашенко што стави крај на бунтот.
– Практично целото руско општество се обедини зад обврската да ја брани својата татковина – рече Путин.
Рускиот претседател им се заблагодари и на членовите на Вагнер кои решија да се откажат од бунтот и спречија крвопролевање.
Путин тврдеше дека организаторите на бунтот ги „искористиле“ борците на „Вагнер“.
Рускиот претседател рече дека бунтот бил осуден на пропаст и дека неговите организатори повеќе не прават разлика помеѓу доброто и погрешното.
Путин ја обвини Украина за учество во бунтот, што тој го нарече одмазда од Киев за слабата контраофанзива.