Путин шири оптимизам: „Железната завеса“ нема да падне врз нашата економија

Нови детали се појавуваат од вчерашното обраќање на рускиот претседател Владимир Путин, кој се сретна со младите претприемачи од неговата земја.

„Железната завеса“, и покрај санкциите од Западот, нема да падне врз руската економија“, рече Путин.

Запрашан за можна соработка со Кина и Индија поради „затворањето“, Путин рече дека економијата таму ќе остане отворена.

„Нема да имаме затворена економија, ја немавме и нема да ја имаме“, рече рускиот претседател.

„Немавме затворена економија, односно имавме во советско време, кога се отсековме и ја создадовме таканаречената „железна завеса“, ја создадовме со свои раце. Нема да ја повториме истата грешка – нашата економија ќе биде отворена“, рече тој.