Путин упати сочувство до кубанскиот претседател по експлозијата во Хавана

Рускиот претседател Владимир Путин му изрази сочувство на кубанскиот претседател Мигел Дијаз Канел поради експлозијата во хотелот Саратога во Хавана, стои во објава на веб-страницата на Кремљ.

„Прифатете го моето најискрено сочувство за трагичните последици од експлозијата во хотелот Саратога во Хавана. Би ве замолил да ги пренесете моите зборови на сочувство и поддршка до семејствата и пријателите на жртвите, а на повредените им посакувам брзо закрепнување“, порача Путин во пораката до кубанскиот претседател.

Експлозијата се случила вчера во центарот на Хавана.

Според последните податоци, загинале најмалку 22 лица, меѓу кои и едно дете. Во болниците се пренесени 64 повредени, меѓу кои 14 малолетници, потсетува ТАСС.