Рускиот претседател Владимир Путин изјави дека е изненаден што американскиот новинар Такер Карлсон не го прекинувал повеќе за време на интервјуто.
Путин го критикуваше поранешниот водител на „Фокс њуз“ Такер Карлсон за недостаток на „тешки“ прашања во неговото интервју минатата недела во Москва.
Кремљ соопшти дека Путин се согласил на интервјуто со Карлсон затоа што неговиот недостаток на критики за руската инвазија за време на неговото појавување на „Фокс њуз“ се разликувал од „едностраното“ покривање на конфликтот во Украина од многу медиуми, додека западните земји трошат милијарди фунти за помош на Украина во борбата против силите на Путин.
И покрај исценираниот карактер на интервјуто, Путин во разговор со про-Кремљ новинарот Павло Зарубин навел дека сакал Карлсон да се однесува „поагресивно“, давајќи му барем шанса да одговори исто толку јасно.
„Да бидам искрен, мислев дека ќе се однесува агресивно и ќе поставува таканаречени остри прашања. Не само што бев подготвен за тоа, туку тоа и го сакав, бидејќи ќе ми дадеше можност да одговорам на ист начин“, изјави рускиот претседател.
Додаде дека е изненаден што поранешниот водител на „Фокс њуз“ не го прекинувал повеќе.
„Искрено, не сум целосно задоволен од ова интервју“, заклучил Путин.