Актерот, режисерот и музичар Раде Шербеџија преку својот Инстаграм профил испрати порака до младите во Србија кои протестираат. Тој својата порака до студентите во Србија кои со недели бараат правда за загинатите во уривањето на настрешница во Нови Сад ја започна со овие зборови:
„По овие протести на молк, вашиот протест, драги деца, сите мои концерти ги започнувам со молк. Ќе започнам со реченицата на Крлежа, која ја напиша по студентската револуција во 1968 година“, рече Шербеџија, а потоа го цитираше хрватскиот писател Мирослав Крлежа од неговите разговори со Предраг Матвејевиќ:
„Да молчиме, да молчиме, да бидеме полни со себе, молчевме до грло, над глава, но според околностите, се разбира.
Човек може да молчи од пркос, а многу често и од беспомошност: најчесто долга, глувонема состојба на умот, вчудоневидено занемување, кога човек го губи разумот. Да веруваш или да не веруваш во моќта на човечките докази, да се сомневаш, да го користиш перото како копје, да останеш духовен инвалид…“ се зборовите на Крлежа.
После тоа Шербеџија уште еднаш им се обратил на младите во Србија:
„Јас, деца, молчам со вас, молчам затоа што ве поддржувам во ова. Ова е ваше време и имате право да објасните подобра иднина која ви припаѓа и немам што друго да ви кажам освен дека ве поддржувам со целото мое срце. Не само јас, туку сите нормални луѓе. Не се откажувајте од младоста, не се откажувајте од овие години“, заклучил Шербеџија.
View this post on Instagram