Радев: Бугарија ќе биде солидарна со „братска Македонија“

Бугарија повторно ќе биде солидарна со „братска Македонија“, изјави претседателот на Бугарија Румен Радев пред делегацијата од Република Северна Македонија предводена од премиерот Димитар Ковачевски.

-Тоа е основата на одлуките на Бугарија за безрезервна поддршка на Македонија од признавањето на државноста и независноста на земјата, преку инсистирање на превентивниот контингент на ОН при распадот на поранешна Југославија, преку обезбедување помош за време на ембаргото, преку давање воено-техничка помош, во случај на катастрофи и природни непогоди, изјави претседателот на Бугарија, Румен Радев.