Радост во Сити! Сане е речиси здрав

Крилото Лерој Сане се опорави од повредата на глуждот пет недели пред предвиденото.

Германскиот репрезентативец доби повреда за време на натпреварот на Манчестер Сити против Кардиф Сити и се очекуваше да не игра седум недели, но само по две, тој веќе тренира и отпатува со своите соиграчи за натпреварот од Лигата на шампионите со Базел.

„Изненаден сум. Тој заврши многу работа во последните две недели, но едноставно не очекував толку млад фудбалер да пројави дури таков професионализам. Лерој не е во совршена состојба, но патува со нас. Сака да помогне, а тоа е добра вест. Тој и физиотерапевтот направија одлична работа“, изјави менаџерот Пеп Гвардиола.

Манчестер Сити гостува на Базел денес од 20:45 часот.