Тимот на Хјустон Рокетс ја забележа 41-та победа во регуларната сезона на Лигата и се доближи на само еден успех од лидерот во Западната конференција, Голден Стејт, откако се наметна дома против Денвер Нагетс со 130: 104.
Џејмс Харден се истакна со 28 поени, 7 скока и 11 асистенции, Клинт Капела не остана поназад и заврши исто со „дабл-дабл“ – 23 поени и 25 скока, а Џералд Грин и Лук Мба Муте додадоа соодветно 16 и 14 поени.
За Денвер крилото Треј Лилс постигна 24 поени, а српскиот центар Никола Јокиќ заврши 14 поени.
„Ракетите“ стигнаа многу лесно до успехот, откако играчите на Мајк Д’Антони не заостануваа во резултатот во ниеден момент, а во почетокот на последната четвртина предноста им стигна до 35 поени.
https://www.youtube.com/watch?v=InoD9FADGLo
Резултати од НБА:
Детроит Пистонс – Лос Анџелес Клиперс 95: 108
Филаделфија 76-ерс – Њу Орлеанс Пеликанас 100: 82
Атланта Хокс – Кливленд Кавалирс 107: 123
Бостон Селтикс – Индијана Пејсерс 91:97
Хјустон Рокетс – Денвер Нагетс 130: 104
Мајами Хит – Милвоки Бакс 91:85
Јута Џез – Шарлот Хорнетс 106: 94
Чикаго Булс – Минесота Тимбервулвс 114: 113
Сакраменто Кингс – Портланд Трејлблејзерс 100: 118.