Раководството на Ливерпул идентификуваше уште две потенцијални цели за менаџерската позиција во клубот во случај на неуспех со фаворитот Чаби Алонсо, тврди „Телеграф“ на своите страници денес. Изданието додава дека Шпанецот е многу искушуван од идејата да го преземе Баерн (Минхен), како што беше објавено во Германија во последните денови, и токму поради оваа причина „Енфилд“ веќе бара алтернативи.
Имињата на Рубен Аморим и Јулијан Нагелсман дојдоа во прв план како сериозни алтернативи на Алонсо. Аморим моментално е на чело на Спортинг (Лисабон) и успеа да го одведе тимот до првата титула по 19 години. Јулијан Нагелсман ја предводи германската репрезентација и ќе го предводи составот на ЕП 2024, но повеќето медиуми тврдат дека тој речиси сигурно ќе си замине по Европското првенство, без разлика на исходот за Бундестимот.
Актуелниот менаџер на Ливерпул, Јирген Клоп на почетокот на јануари ја изненади фудбалската јавност со објавата дека ќе го напушти „Енфилд“ на крајот од сезоната бидејќи повеќе нема енергија да продолжи да го води тимот.