Според пишувањата на весникот „Газета експрес“, Рама во емисијата „Pressing“ на телевизијата Т7 рече дека го советувал Харадинај да ги прекине таксите од 100 проценти за српските производи, откако францускиот претседател Емануел Макрон вети визна либерализација за косовските граѓани.
„Сега немаше да имате визен режим ако Харадинај ги стопираше таксите … Но, тој не го разбира тоа. Тие ќе беа без виза повеќе од една година“, рече албанскиот премиер.
Според него, Харадинај го сторил сето ова заради гласовите. „Рамуш го жртвуваше Косово за своите гласови. Сепак, тој не победи на изборите“, рече Рама и додаде дека заради Харадинај „Косово го загуби меѓународниот углед“.
Осврнувајќи се на изјавата на Харадинај дека не ја сметал за повикување на главните теми, Рама потенцирал дека воопшто не го класифицирал како личност за големи теми.
„Што направи Рамуш Харадинај со Косово – освен што ги наметна таксите? Јас крајно го почитував премиерот Рамуш Харадинај. Сепак, тој многу ја излажа јавноста. Ја донесе најштетната одлука за Косово “, подвлече Рама.
Според него, Харадинај е „фолклорен политичар“.
„Го тужев во Косово, а не Трибуналот. Што добивам од Косово? Јас не добивам ништо, дури ни во изборниот план, но морам да зборувам за Косово затоа што имам обврска. Затоа што Косово ме интересира. Без разлика дали вие сакате или не, јас не добивам ништо “, заклучи Рама.