Албанскиот премиер Еди Рама попладнево соопшти дека го поздравува францускиот предлог кој од Париз денеска пристигна во македонската Влада.
-Последниот француски предлог, кој воедно е и конечен, и дава можност на Северна Македонија за безусловен пристап и го отвора патот за официјален почеток на преговорите за членство на двете земји во Европската Унија! Им велам на браќата Македонци и Албанци од С. Македонија: Прифатете!, објави Рама на Твитер.
Propozimi i fundit francez, i cili është edhe përfundimtari,i jep Maqedonisë së Veriut mundësinë e një pranimi pa rezervë dhe hap rrugën e nisjes zyrtare të negociatave për anëtarësimin e të dy vendeve në Bashkimin Europian! Vëllezërve maqedonas&shqiptarë në MV u them: Pranojeni! pic.twitter.com/0bDtV99xTW
— Edi Rama (@ediramaal) June 30, 2022
Францускиот предлог за укинување на ветото за Северна Македонија беше усвоен од бугарскиот парламент во петокот на 24 јуни, а премиерот Димитар Ковачевски ден претходно рече дека е неприфатлив за Скопје „во сегашната форма“.
Ковачевски тогаш во Брисел истакна дека Скопје има три клучни услови за преговарачката рамка, а тоа е целосно признавање на македонскиот јазик, дека историските прашања не треба да бидат дел од преговарачката рамка и дека пристапните преговори почнуваат пред Бугарите, Хрватите и Црногорците да бидат вклучени во Уставот на Северна Македонија, барајќи гаранции дека нема да има нови бугарски услови.
Макрон го поздрави усвојувањето на францускиот предлог во Софија на 24 јуни и најави дека ќе продолжат разговорите со партнерите во Северна Македонија.